Has: Del fotografia e të riut që humbi jetën në aksident fatal në komunën e Gjakovës

Një ngjarje e rëndë ka tronditur mëngjesin e sotëm rajonin e Hasit e Gjakovën.

Siç raportoi Gazeta Sinjali personi që nuk arriti t’i mbijetonte plagëve të rënda si pasojë e vetaksidentit tragjik që ndodhi në fshatin Vogovë të Gjakovës është i ri nga fshati Krum i Shqipërisë, Musli Pavdeja, 32-vjeçar.

Sipas burimeve, aksidenti ndodhi rreth orës 02:00, kur automjeti me targa shqiptare, ku ndodheshin tre persona, doli nga rruga dhe përfundoi në ujë, pasi goditi anësoret prej betoni të urës në fshatin Vogovë.

Si pasojë e përplasjes së fuqishme, një nga të rinjtë humbi jetën në vendin e ngjarjes, ndërsa dy të tjerët u dërguan me lëndime të rënda në Spitalin Rajonal të Gjakovës.

Njësitë policore dhe ekipet e emergjencës kanë reaguar me shpejtësi, ndërsa hetimet për zbardhjen e plotë të rrethanave të këtij aksidenti fatal janë duke vazhduar.

Gazeta e Prizrenit shpreh ngushëllimet më të sinqerta për familjen e viktimës!