Sulmuesi që Ten Hag donte ta blinte për 34 milionë paund

Mançester Junajtid duket se i ka shpëtuar një gabimi të madh, pasi shmangu transferimin e sulmuesit të Ajaksit, Brian Brobej, për të sjellë një ribashkim të mundshëm me ish-trajnerin Erik ten Hag.

Sipas raportimeve nga Holanda, Ten Hag, i cili u shkarkua nga stoli i Junajtid në tetor, ndërsa skuadra ndodhej në vendin e 13-të në Premier Ligë, kishte dëshirë të sillte Brobejn në “Old Trafford” për një shumë prej 34 milionë paundësh.

Megjithatë, ky transferim nuk ndodhi dhe tani vlera e sulmuesit është ulur ndjeshëm në vetëm 8.5 milionë paund, gjë që e bën të duket si një shmangie e humbjes nga ana e klubit anglez.

Gjatë kohës së Ten Hagut në krye, Junajtid shpenzoi mbi 600 milionë paund, por ky rast tregon se jo të gjitha objektivat e tij të merkatos kanë qenë të suksesshme apo të goditura.