Renditja e UEFA-s për klube, Interi kryeson para Barcelonës

Sezoni 2024/25 po i afrohet fundit, por për Interin gjithçka nuk ka përfunduar ende.

Përveç garës për titullin kampion në Serie A, skuadra e Simone Inzaghit ka të paktën edhe një sfidë të madhe për të luajtur në Ligën e Kampionëve.

Në këtë kontekst, zikaltërit kanë arritur një arritje të rëndësishme edhe në aspektin ndërkombëtar: janë në krye të renditjes sezonale të UEFA-s me 36.750 pikë, të mbledhura nga 13 ndeshjet e zhvilluara deri tani në Europë.

Pas Interit renditet Barcelona, që do të jetë edhe kundërshtari i tyre në gjysmëfinale të Champions League, me 36.250 pikë, dhe më pas Arsenal me 36.000 pikë, gjithashtu në garë për trofeun.

Në dhjetëshen e parë nuk figuron asnjë tjetër skuadër italiane. Lazio është e 13-ta me 26.000 pikë, duke lënë pas edhe Real Madridin, i cili këtë vit ka pasur një rënie, edhe pse në renditjen afatgjatë të dhjetë sezoneve të fundit dhe të katër të fundit mbetet në krye. Atalanta ndodhet në vendin e 21-të me 21.000 pikë, ndërsa Fiorentina dhe Milan ndajnë vendin e 24-të me nga 19.000 pikë. Juventus renditet më poshtë, në vendin e 34-të me 16.250 pikë.

Ky sukses nuk ka vetëm vlerë simbolike: ai do të jetë i rëndësishëm për kualifikimin në Botërorin e Klubeve 2029. UEFA ka parashikuar që 12 skuadrat europiane pjesëmarrëse në këtë turne do të përcaktohen në bazë të dy kritereve: fituesit e Champions League nga sezoni 2025 deri në 2028 dhe renditja e përgjithshme e pikëve të grumbulluara në këto katër sezone.

Si llogaritet renditja UEFA?

Koeficienti sezonal i një klubi përcaktohet nga pikët e mbledhura në Ligën e Kampionëve, Ligën e Europës dhe Ligën e Konferencës. Çdo fitore sjell 2 pikë, barazimi 1 pikë, ndërsa humbja nuk sjell asnjë.

Përveç këtyre, ekipet marrin edhe pikë bonus në bazë të fazës ku arrijnë pas grupeve: sa më larg të shkojnë, aq më shumë pikë përfitojnë.