Shpërthim në Moskë, ka të vdekur dhe të plagosur – publikohen pamje

Në pjesën jugperëndimore të Moskës ka ndodhur një shpërthim i fuqishëm në një ndërtesë shumëkatëshe në rrugën General Tjuleneva.

Sipas informacioneve, shpërthimi është shkaktuar nga gazi dhe ka shkaktuar një zjarr të madh që ka përfshirë banesat në katin e nëntë të ndërtesës.

Pjesë të një kati thuhet se u shembën, duke vrarë të paktën dy njerëz dhe duke plagosur më shumë se 15 të tjerë.

Disa nga banorët mbetën të bllokuar në katet më të larta, duke bërë thirrje për ndihmë nga dritaret, ndërsa zjarrfikësit u përpoqën të frenonin zjarrin dhe tymin e dendur.

Bëhet e ditur se zjarri u përhap me shpejtësi në disa apartamente dhe shërbimet e urgjencës janë ende në kërkim të ndërtesës.

Nuk ka asnjë konfirmim zyrtar për shkakun e shpërthimit, por spekulohet se bëhet fjalë për një defekt në instalimin e gazit.