Interi në finale, tifozët nisin kërkimet për biletat në Munih, bileta nga 180 deri 980 euro

Pas fitores spektakolare 4-3 ndaj Barcelonës në ndeshjen e kthimit të gjysmëfinales, Interi ka siguruar biletën për në finalen e Champions League, e cila do të zhvillohet më 31 maj në Munich, në stadiumin “Allianz Arena”. Tifozët zikaltër janë tashmë në kërkim të biletave për të ndjekur nga afër sfidën historike.

Sipas rregullave të përcaktuara nga UEFA, Interi dhe skuadra tjetër finaliste do të kenë secila në dispozicion nga 18.000 bileta. Për tifozët në përgjithësi, janë caktuar 38.000 bileta që do të shiten në mënyrë të drejtpërdrejtë.

Pjesa tjetër e biletave është shpërndarë përmes shortit në faqen zyrtare UEFA.com, ku tifozët e regjistruar kanë pasur mundësi të blejnë deri në dy bileta, vetëm në kategorinë e zgjedhur më parë.

Çmimet janë të ndara në 4 kategori:

70 euro – çmimi i subvencionuar për tifozët e ekipeve finaliste (kategori e veçantë “Fans First”)

180 euro – kategoria 3

650 euro – kategoria 2

950 euro – kategoria 1

Personat me aftësi të kufizuara mund të përfitojnë tarifën “Fans First” me çmimin 70 euro, ndërsa shoqëruesi përfshin biletë falas.

Të gjithë tifozët e interesuar duhet të ndjekin udhëzimet në faqet zyrtare të klubeve dhe të UEFA-s për mënyrën e blerjes dhe shpërndarjes së biletave. Finalja pritet të jetë një ngjarje madhështore, dhe konkurrenca për një vend në stadium është shumë e lartë.