Mbante bluzë me mbishkrimin “Kosova dhe Metohija”, arrestohet një person në Dragash
- Gazeta e Prizrenit
Një person i moshës së mitur nga komuniteti goran është shoqëruar pasditen e sotme në Stacionin Policor në Dragash.
Lajmim e ka konfirmuar komandanti i stacionit policor në këtë komunë, Shaqir Uka.
“Një person sot është shoqëruar në Stacionin Policor në Dragash, person i moshës së mitur, pasi që i njëjti ka pasur të veshur një bluzë me mbishkrimin ‘Dragash, Kosovo Metohija’ dhe një emblemë me flamurin serb”, ka deklaruar Uka.
I njëjti është shoqëruar në stacion, si i dyshuar për veprën penale ‘’Nxitje e urrejtjes’’.
Termin “Metohija”, serbët gjithmonë e përdorin si ndajshtesë kur përmendin Kosovën, duke iu adresuar si “Kosova dhe Metohija”.
Përdorimi i këtij termi, jo rrallë, ka krijuar tensione verbale ndërmjet serbëve dhe shqiptarëve./ Gazeta e Prizrenit /
