Has: Gjuajtje me armë në Lipovec – 42 vjeçari pranon se shkrepi 11 plumba

Një incident i rëndë me armë zjarri ka ndodhur sot rreth orës 13:00 në fshatin Lipovec, ku një person ka përdorur armë në një zonë të banuar, duke shkaktuar shqetësim për sigurinë publike.

Siç mëson Gazeta Sinjali, i dyshuari, rreth 43-vjeçar ka pranuar se ka shtënë me armën e tij, duke shkrepur 11 plumba. Në vendin e ngjarjes janë gjetur edhe 11 gëzhoja.

Pasi është kontaktuar nga patrulla policore dhe njësia e hetimeve, i dyshuari ka pranuar veprimin e tij dhe është marrë në intervistim. Pas konsultimit me prokurorin kujdestar, rasti është iniciuar si “Përdorimi i armës apo mjetit të rrezikshëm”.

Hetimet lidhur me motivin dhe rrethanat e gjuajtjes janë në vijim.