Behar Begaj me bashkëpunëtorë nga Zhuri i bashkohen Lëvizjes VETËVENDOSJE! në Prizren
- Gazeta e Prizrenit
Lëvizja VETËVENDOSJE! në Prizren njoftoi sot se Behar Begaj, një emër i njohur në komunën e Prizrenit, i është bashkuar Lëvizjes VETËVENDOSJE!, së bashku me një grup të konsiderueshëm bashkëpunëtorësh të tij.
Behar Begaj ka mbajtur postin e Kryetarit të Nëndegës së LDK-së në Zhur dhe ka qenë anëtar i Kryesisë së kësaj partie për katër mandate të njëpasnjëshme. Gjithashtu, ka qenë asamblist i Komunës së Prizrenit dhe kryetar i Bashkësisë Lokale në Zhur.
Përkushtimi i tij ndaj komunitetit dhe angazhimi i dëshmuar politik ndër vite janë vlera të çmuara që tashmë do të kontribuojnë në fuqizimin e Lëvizjes VETËVENDOSJE! në këtë rajon.
Së bashku me të, në Lëvizjen VETËVENDOSJE! aderojnë edhe shumë bashkëpunëtorë të tij me përvojë dhe përkushtim në jetën publike dhe politike.
Ky aderim është dëshmi e besimit dhe vlerësimit që strukturat dhe individët me përvojë kanë ndaj Lëvizjes VETËVENDOSJE!. Ky hap i rëndësishëm përforcon strukturat e Lëvizjes në Prizren dhe është një garanci për një angazhim edhe më të fuqishëm në shërbim të qytetarëve.
Sipas Vetëvendosjes, përvoja e tij shumëvjeçare dhe përkushtimi i vazhdueshëm ndaj çështjeve publike përbëjnë një vlerë të shtuar për organizatën në Prizren. Krahas Begajt, në këtë subjekt politik kanë aderuar edhe 19 bashkëpunëtorë të tij, shumica me përvojë në strukturat lokale politike.
Në mesin e tyre janë:
• Sali Nuhiu – ish-kryetar i nëndegës në Prizren
• Islam Omaj, Jetmir Susuri, Ajdin Ademaj – ish-anëtarë të nëndegës në Zhur
• Zamir Begaj – ish-nënkryetar i Forumit Rinor në Zhur
• Zijadin Omaj, Uran Krasniqi, Qendrim Krasniqi, Nderim Begaj, Alban Omaj, Bekim Vezaj, Ilami Susuri, Sabri Susuri, Flamur Gashi, Floridan Begaj, Ismet Kyqyku, Shaban Susuri, Sami Kurtaj, Vezir Omaj dhe Arif Islami – anëtarë
Ky aderim, sipas zyrtarëve të Lëvizjes Vetëvendosje, përfaqëson një dëshmi të qartë të besimit që individë me përvojë dhe integritet kanë ndaj projektit politik të kësaj lëvizjeje. Përmes kētij zgjerimi, synohet forcimi i mëtejmë i strukturave lokale dhe rritja e kapaciteteve për të qenë më afër qytetarëve
