𝐀𝐫𝐢𝐮 𝐛ë𝐧 “𝐩𝐚𝐭𝐫𝐮𝐥𝐥ë” 𝐧ë 𝐒𝐮𝐡𝐚𝐫𝐞𝐤ë? 𝐐𝐲𝐭𝐞𝐭𝐚𝐫𝐢 𝐢 𝐭𝐦𝐞𝐫𝐫𝐮𝐚𝐫 𝐟𝐢𝐥𝐦𝐨𝐧 𝐦𝐨𝐦𝐞𝐧𝐭𝐢𝐧: 𝐒’𝐠𝐮𝐱𝐨𝐣𝐦ë 𝐚𝐬 𝐧ë 𝐨𝐛𝐨𝐫𝐫 𝐦𝐞 𝐝𝐚𝐥ë

Një qytetar i është drejtuar Insajderit me një ankesë.

“Jam një qytetar nga fshati Mushtisht, komuna e Suharekës.
Kemi një problem me kafshë të egra, konkretisht me arinj. Prej disa ditësh po sillen në lagjen tonë dhe madje po hyjnë edhe në oborre. Nëse do të kishit mundësi të postonit një video, në mënyrë që ta shohin edhe qytetarët e tjerë, por edhe shteti, ndoshta do të merren masa. Ne kemi telefonuar disa herë, por nuk kemi marrë asnjë përgjigje. Jemi të frikësuar, nuk guxojmë të dalim as në oborr, pasi ato shfaqen në orët e hershme të mbrëmjes”, ka shkruar qytetari, i cili ka dërguar edhe një video, që pretendon se pamjet janë marr nga kamerat e sigurisë së shtëpisë së tij.