Europiani U-17 zhvendos Kombëtaren

Kombëtarja shqiptare do të kthehet në fushë për kualifikueset e Botërorit, më 7 qershor. Sfida e raundit të tretë do të luhet kundër Serbisë në “Arena Kombëtare”.
Për këtë takim, lista zyrtare pritet të publikohet këtë javë. Ndërkohë “News 24” zbulon se futbollistët e parë do të bëhen bashkë të hënën e 26 majit. Përgatitjet nuk do të zhvillohen në “Shtëpinë e Futbollit”, por në Durrës.

Shkak për këtë lëvizje është bërë Europiani U-17, pasi fusha në “Shtëpinë e Futbollit” mund të jetë në dispozicion vetëm të skuadrave përfaqësuese. Durrësi do të jetë destinacioni, të paktën deri më 31 maj.

Gjatë kësaj kohe, do të ketë një test me përfaqësuesen U-21. Silvinjo do të ketë mundësinë të shohë gjendjen e skuadrës.