Shkëndija e Haraçinës paralajmëron se e shtuna do të jetë ditë e madhe
- Bota Sot
Shkëndija e Haraçinës ka mobilizuar forcat për ndeshjen e barazhit që luhet të shtunën, me synime që të hyjnë në Ligën e Dytë të Maqedonisë së Veriut.
Skuadra nga Haraçina do të ndeshet me Osogovën nga Koçani.
“E shtuna – dita e madhe!
Të shtunën në Kavadar luajmë ndeshjen vendimtare të balotazhit për inkuadrim në Ligën e Dytë, kundër KF Osogovës nga Koçani – një klub me traditë dhe respekt.
Na lidhin miqësia dhe korrektësia sportive. Kemi zhvilluar edhe ndeshje miqësore me ta dhe kemi treguar solidaritet në momentet e vështira që ka kaluar qyteti i Koçanit.
Por tani është koha për futboll! Le të fitojë më i miri – ne besojmë në ekipin tonë dhe do të japim gjithçka për fitoren!
Forca Shkëndija 77!”, shkruan në faqen e Shkëndijes.
