Prezantohet plani për Bjeshkët e Junikut
- Gazeta e Prizrenit
Në Konferencën e Investitorëve për zhvillimin e turizmit lokal, kryetari i Komunës së Junikut, Ruzhdi Shehu, ka prezantuar master planin për zhvillimin e Bjeshkëve të Junikut.
Kryetari Shehu deklaroi se pas këtij plani fshihet vizioni për zhvillimin e qëndrueshëm të zonës, përmes turizmit malor, agroturizmit dhe sporteve në natyrë.
“Plani, i hartuar nga kompania EPODE me mbështetjen e SWISSCONTACT dhe Ambasadës së Zvicrës (PPSE), synon të kthejë Junikun në një destinacion modern dhe tërheqës për investime, duke ruajtur vlerat natyrore dhe kulturore të rajonit”, deklaroi Shehu.
