Klubi i njohur evropian arrin marrëveshje me Barcelonën për transferimin e Ansu Fati

Ansu Fati është shumë pranë arritjes së marrëveshjes për t’u larguar nga Barcelona në formë huazimi, por edhe me opsionin e blerjes.

Fati në një kohë cilësohej si një ndër lojtarët e rinj më të mirë në botë, por ai tani e ka gjetur veten tërësisht të lënë anash tek Barcelona.

Ai ka bërë vetëm gjashtë paraqitje në La Liga këtë sezon dhe ka qenë një rezervist që nuk mori fare minuta në 15 nga 19 ndeshjet e fundit të blaugranasve.

Progresi i Fatit është penguar shumë pas këputjes së meniskusit në gjurin e tij të majtë në moshën vetëm 18-vjeare, një lëndim që e la jashtë fushave për pothuajse një vit.

Një periudhë huazimi tek Brightoni doli të ishte e pasuksesshme dhe më pas pati pritshmëri se Barcelona do ta shiste sapo të rikthehej.

Kjo nuk ndodhi, por Fabrizio Romano ka raportuar se një klub i madh evropian është pajtuar me kampionin e La Ligas për ta transferuar atë.

Romano ka pretenduar se Monaco është në negociata për një marrëveshje huazimi për sulmuesin 22-vjear, e cila do përfshijë opsionin e blerjes së kartonit.

Barcelona më pas do të merrte një përqindje të shitjes së tij të ardhshme në rast se Moanco vendos ta largojë Fatin tek një klub tjetër.

Vlen të theksohet se edhe vet lojtari është i etur për këtë lëvizje, pasi do t’i lejonte atij të merrte rregullisht minuta.