12 të lënduar nga përplasja e autobusëve në Kroaci

Dymbëdhjetë persona kanë mbetur të lënduar lehtë nga përplasja e dy autobusëve pasditen e sotme në autostradën A1 në dalje të Vuçevicës afër Splitit në Kroaci.

Në spitalin e Splitit mësohet se nga 12 pacientë të pranuar, tre janë kryesisht me fraktura dhe po mbahen për trajtim mjekësor.

Aksidenti ka ndodhur në drejtim të Zagrebit, pas orës 13:15. Në vendngjarje janë nisur menjëherë ekipet e urgjencës mjekësore, policia dhe zjarrfikësit, raporton KP.

Jo zyrtarisht mësohet se të gjithë të lënduarit janë shtetas kroatë të moshës madhore që po ktheheshin nga pelegrinazhi.