Milevski: Do të japim maksimumin kundër Belgjikës

Blagoja Milevski ka shpallur listën e lojtarëve për ndeshjet e ardhshme kualifikuese kundër Belgjikës dhe Kazakistanit.

Emër i ri në listën e Milevskit është Stefan Despotovski, ndërsa  Nikolla Serafimov, Darko Velkovski dhe Lirim Qamili do të mungojnë për shkak të lëndimeve. Maqedonia përballet me Belgjikën më 6 qershor në Shkup, dhe tre ditë më vonë presim Kazakistanin në Astana.

“Sa i përket listës, pjesa më e madhe e saj është e njëjtë me herën e fundit. Kemi një debutues, Stefan Despotovski. Fatkeqësisht, nuk mund të mbështetemi te Nikolla Serafimov, Darko Velkovski dhe Lirim Qamili për shkak të lëndimeve.

Gjithashtu në dyshim janë Alimi, Bojan Miovski dhe Bojan Dimovski, të cilët shpresoj se do të japin më të mirën e tyre dhe se ekipi mjekësor do t’i mundësojë atyre të funksionojnë për ekipin”, than ë fillim Milevski.

“Maqedonia, si gjithmonë kur ka pasur probleme, gjithmonë është ngritur dhe ka qenë në lartësinë e asaj që kërkohet prej saj, kështu që jam i sigurt se kështu do të jetë edhe këtë herë. Belgjika është ndeshja jonë e parë, i gjithë fokusi është të jemi në nivelin e nevojshëm për të konkurruar me një nga pesë ekipet kombëtare më të mira në Evropë dhe në botë në përgjithësi, sipas mendimit tim. Me cilësi individuale në nivelin më të lartë të mundshëm, por edhe si ekip. Nuk presim një kundërshtar serioz dhe një detyrë serioze, por jemi këtu për të dhënë maksimumin tonë, kështu që do të shohim se çfarë do të na sjellë vetë ndeshja.”

“Jemi mësuar që të ketë ndërrim trajneri për kundërshtarët tanë, deri më tani kemi pasur rreth pesë ose gjashtë raste të tilla që kur unë kam qenë trajner. Rudi Garcia e udhëhoqi Belgjikën në dy ndeshjet e fundit me Ukrainën në play-off.

Kemi të gjitha informacionet nga ato dy ndeshje, por lojtarët janë të njëjtë, cilësia dhe potenciali individual është i njohur për të gjithë, ata luajnë në ligat dhe klubet më të mira evropiane. Kemi informacion të mjaftueshëm për t’u përgatitur në mënyrë adekuate,” shpjegoi Milevski.

“Edhe para fillimit të këtyre kualifikimeve, është paksa mosmirënjohëse që Maqedonia të shpresojë të jetë në vendin e parë në këtë grup.

Por fillimi i suksesshëm në këto kualifikime dhe ndeshja me Belgjikën do të na japin drejtimin për të kaluar nëpër këto kualifikime.

Por Maqedonia është këtu për të dhënë gjithçka dhe për të mbetur konkurruese deri në fund. Por një ndeshje nuk do të thotë asgjë,” tha mes tjerash Milevski.