84 milionë dollarë

Lionel Messi ka pasuruar me gati 84 milionë dollarë rivalët e Inter Miamit në MLS falë çmimeve dinamike që kanë bërë kostot e biletave të rritet ndjeshëm.

Fituesi i tetë herë Topit të Artë mbërriti në Shtetet e Bashkuara gjatë verës së vitit 2023 dhe menjëherë tërhoqi interesin e tifozëve amerikane.

Tifozët – përfshirë disa të ftuar të famshëm – janë dyndur për të parë kampionin argjentinas në veprim.

Me kërkesën që shpesh tejkalon furnizimin, nuk është çudi të zbulosh se tifozët duhet të gërmojnë thellë për të parë drejtpërdrejt Messi-n në fushë.

Në disa raste, çmimet e biletave të hyrjes janë rritur me mbi 1,000 për qind.

Ky ishte rasti kur Messi vizitoi New York Red Bulls, me bileta prej 45 dollarësh që papritmas kushtuan 496 dollarë, ndërsa Columbus Crew pa çmimet e përgjithshme të hyrjes prej 35 dollarësh të rriteshin në 421 dollarë.

Red Bulls dhe LAFC gjeneruan të ardhura shtesë që u shtrinë në tetë shifra kur pritën Inter Miami.

Sipas të dhënave të mbledhura nga Sportsmillions.com, shifra akumulative që ka gjeneruar prania e Messit – në të gjithë MLS – është 83,923,982 dollarë dhe vazhdon të rritet. Më shumë se një milion tifozë thuhet se kanë paguar çmimet e fryra të ditës së ndeshjes.

Një zëdhënës nga Sportsmillions.com tha: “Qoftë 50 dollarë apo 750 dollarë për biletë, njerëzit janë të gatshëm të paguajnë vetëm për të qenë në të njëjtin stadium me Messi-n.

“Të shohësh Messi-n live nuk është më vetëm një lojë, është një ngjarje që ndodh një herë në jetë, një moment në listën e dëshirave. Klubet e dinë këtë, tifozët e dinë këtë dhe numrat e vërtetojnë këtë”.