Për ndërtimin e Milanit të ri

Milan ka filluar të ndërtojë skuadrën për sezonin e ardhshëm, me Max Allegri që ka kërkuar ruajtjen e lojtarëve kyç si Maignan dhe Leao, ndërsa Theo Hernandez mund të largohet pas interesit nga Al Hilal. Në merkato,

Samuele Ricci i Torinos është përzgjedhur si lojtari ideal për të forcuar mesfushën e Milanit, ndërsa disa lojtarë të tjerë si Reijnders dhe Walker pritet të largohen.

Pas rikthimit të Masimiliano Allegrit në pankinën e kuqezinjve, Milani ka filluar të ndërtojë skuadrën e tij për sezonin e ardhshëm.

Në një takim të parë të merkatos mes trajnerit dhe drejtorit sportiv Igli Tare, u diskutuan nevojat e skuadrës për sezonin 2025-2026, duke bërë një bilanc të situatës dhe mundësive të afrimeve dhe largimeve nga klubi.

Një nga temat kryesore ishte situata e disa lojtarëve kyç.

Mike Maignan dhe Rafa Leao janë konsideruar të rëndësishëm për projektin e Allegri-t, dhe trajneri ka kërkuar që ata të qëndrojnë tek Milani.

Në anën tjetër, Theo Hernandez, i cili ka një kontratë që skadon në vitin 2026, është vënë në listën e mundshme të largimeve.

Lidhur me këtë, Al Hilal ka shfaqur interes të fortë për francezin, duke ofruar rreth 18 milionë euro në vit, por kërkesat e Milanit janë më të larta, rreth 30 milionë euro për kartonin e tij.

Duke pasur parasysh mungesën e progresit në rinovimin e kontratës, duket se pas gjashtë sezoneve, Theo do të largohet nga Milano.

Largimet e tjera që duken të sigurta përfshijnë Tijjani Reijnders, për të cilin ka një kërkesë të fortë për ta shitur për arsye financiare, dhe Kyle Walker, që nuk do të blihet nga Milan pas një sezoni të zhgënjyer.

Në anën tjetër, Strahinja Pavlović ka fituar besimin e trajnerit dhe do të jetë pjesë e projektit për sezonin e ardhshëm.

Një tjetër emër që po tërheq vëmendjen është Francesco Camarda. Allegri ka dëshmuar më parë se i beson të rinjve, dhe shumë shpresojnë që Camarda, me potencialin e tij të jashtëzakonshëm, mund të shkëlqejë nën drejtimin e tij.

Sa i përket afrimeve, Samuele Ricci i Torinos është në krye të listës.

Me aftësitë e tij për të menaxhuar mesfushën dhe për të sjellë forcë fizike, Ricci konsiderohet si lojtari ideal për të plotësuar boshllëkun në mesfushën e Milanit dhe do të mund të jetë goditja e parë e rëndësishme e trajnerit Allegri.