Kapet me ‘kërpudha magjike’ në Gjakovë – I dyshuari dërgohet në ndalim për 48 orë
- Gazeta e Prizrenit
Në Gjakovë, një person është arrestuar nën dyshimin për posedim dhe shpërndarje të substancave narkotike të rrezikshme.
Burime të Gazetës Sinjali brenda Policisë bëjnë të ditur se patrulla policore kishte ndaluar një veturë për kundërvajtje trafiku, por gjatë kontrollit fizik ndaj drejtuesit të automjetit, në xhepin e pantallonave të tij është zbuluar një qese me substancë të dyshuar narkotike.
Në atë qese ndodheshin gjithsej nëntë qese të vogla me ‘kërpudha narkotike’ të njohura si kërpudha magjike, me peshë totale prej 30 gramësh.
I dyshuari është identifikuar si Z.V, 26 vjeçar
Me urdhër të Prokurorit të Shtetit nga Prokuroria Themelore në Gjakovë, ndaj Valës është caktuar masa e ndalimit për 48 orë, ndërsa rasti është iniciuar për veprën penale:
“Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge“.
