Kryetari i Dumës ruse i dërgon paralajmërim Gjermanisë

Udhëheqësi i parlamentit rus Vyacheslav Volodin paralajmëroi për përshkallëzimin e tensioneve midis Rusisë dhe Gjermanisë në një mesazh drejtuar ligjvënësve gjermanë sot.

“Elita aktuale qeverisëse gjermane po krijon kushte për një përkeqësim të situatës dhe fillimin e një konflikti midis vendeve tona”, tha Volodin në një mesazh drejtuar liderëve të partive më të mëdha parlamentare gjermane.

"Çështja është nëse populli gjerman dëshiron gjithashtu një konflikt të tillë. Ne nuk e duam atë. Por nëse ai vjen, ne do të jemi gati," tha Volodin, duke folur për mbështetjen gjithnjë e më të fortë të Berlinit për Kievin.

Kreu i parlamentit rus paralajmëroi se qeveria gjermane po planifikon të krijojë prodhimin e raketave në Ukrainë, "që do të thotë se Gjermania po tërhiqet gjithnjë e më shumë në veprime luftarake kundër Rusisë".

"Ju vetë e kuptoni se ku mund të çojë", vazhdoi Volodin, duke iu referuar Luftës së Dytë Botërore.

Politikani rus u nxit në këtë mesazh nga deklarata e kancelarit gjerman Friedrich Merz, i cili gjatë vizitës në Shtetet e Bashkuara të Amerikës falënderoi Uashingtonin për çlirimin e tij nga nazizmi, raporton KosovaPress.