Ja çfarë i duhet Gjermanisë

Trajneri i Gjermanisë, Julian Nagelsman, hyri në Kampionatin Evropian 2024 me një vizion të qartë. Me role të përcaktuara për lojtarët dhe një sistem të caktuar, trajneri i kombëtares dhe skuadra, vetëm një vit pas Evropianit në shtëpi duket se po largohen nga ky vizion në rrugën drejt Kupës së Botës 2026.

Ideja kryesore në atë kohë ishte rikthimi i Toni Kros dhe instalimi i një mesfushori të pastër me Robert Andriç pas tij. Përpara një mbrojtjeje me katër lojtarë. Jo një mbrojtje me tre lojtarë, si në humbjen 2-1 ndaj Portugalisë, të cilën ekipi nuk e pëlqen dhe nuk i përshtatet. Ajo që i duhet përsëri Gjermanisë është një ekip që mund të luajë së bashku. Me lojtarë të rregullt dhe lojtarë rezervë për çdo pozicion në rast mungesash.

Në portë, Mark-Andre Ter Shtegen konfirmoi me performanca të forta kundër Portugalisë se ai është padyshim numri një për në Kupën e Botës. Kimish është mbrojtësi më i mirë i djathtë që Gjermania ka aktualisht, megjithëse do të donim të kishim një tjetër Kimmich në mesfushë.

Xhonatan Tah dhe Rydiger janë mbrojtësit qendrorë, por në një mbrojtje me katër lojtarë. Në mesfushë, duhet t’i besohet dyshes së ardhshme të Shtiler dhe Pavloviç. Në sulm, linja e lojtarëve si Musiala, Virc dhe Sane mund të bëjnë magjinë e tyre. Në vijën e parë, Kai Haverc duhet të provojë pas rikthimit të tij se është më i mirë se sfiduesi Klaindinst.

Nagelsman ka arritur tashmë ta rikthejë Gjermaninë në rrugën e duhur me mjete të thjeshta. Por ai duhet të gjejë shpejt një recetë për sukses.