Tifozat Kuq e Zi: Na thanë se duhet t’ju kontrollojmë hollësisht!

Kombëtarja e Shqipërisë mbrëmë barazoi 1:1 ndaj Letonisë në Riga, në ndeshjen e vlefshme për kualifikim në Kupën e Botës 2026.

Tifozat Kuq e Zi ishin të pranishëm në tribunat e stadiumit të Rigas.

Përmes rrjeteve sociale ata kanë treguar se edhe atje FSHF-ja urdhëroi sigurimin që t’i kontrollonte tifozët hollësisht.

“Manovrat penguese të FSHF-së vazhduan edhe dje në Riga. Në hyrje të stadiumit, djemtë tanë u përballën me kontrolle të papara më parë në një transfertë. Steëard-ët na thanë hapur:

“Kemi urdhër nga federata juaj t’ju kontrollojmë hollësisht”.

Me këtë rast, na ndaluan të gjitha banderolat dhe parullat që kishim me vete, edhe pse përmbanin vetëm shkrimet e zakonshme “Tifozat Kuq e Zi” dhe “TKZ on Tour”. Ato me mesazhe, sigurisht që i futëm brenda”, shkruhet në postimin e tifozëve shqiptar

Kujtojmë që Tifozat Kuq e Zi nuk morën pjesë në “Air Albania” në ndeshjen mes Serbisë dhe Shqipërisë. Krejt kjo për shkak të problemeve të mëdha me Federatën Shqiptare të Futbollit dhe kreun, Armand Duka..