Qeveria polake fiton votëbesimin

Qeveria e koalicionit pro-evropian të Polonisë ka fituar sot një votëbesim me 243 vota pro dhe 210 kundër.

Kryeministri Donald Tusk, i cili inicioi votëbesimin, shprehu shpresën se kjo do ti jepte qeverisë një vrull të ri pas humbjes së kandidatit pro-qeveritar në zgjedhjet presidenciale.

Votimi ishte një formalitet pasi koalicioni i Tusk ka një shumicë prej 12 deputetësh në Dhomën e Ulët të Parlamentit, dhe një rezultat pozitiv kërkonte një shumicë të thjeshtë. Tusk njoftoi një riorganizim të qeverisë për korrikun, raportoi BBC.

Nacionalisti Karol Nawrocki mposhti Rafal Trzaskowski nga Koalicioni Qytetar i Tusk në raundin e dytë të zgjedhjeve presidenciale më 1 qershor, gjë që shkaktoi akuza reciproke midis partive më të vogla në qeveri dhe vuri në pikëpyetje të ardhmen e saj me presidentin Andrzej Duda, i cili nuk i favorizon ato dhe ka të drejtë vetoje.

Andrzej Duda, një aleat i partisë nacionaliste Pravo i Pravda (PiS), e cila mbështeti Karol Nawrockin, bllokoi elementë të programit qeveritar të Tuskut që kërkonin të përmbysnin reformat e PiS-it që Bashkimi Evropian thotë se dëmtojnë një gjyqësor të pavarur.

Nawrocki mbështet presidentin amerikan Donald Trump, i cili kundërshton një Evropë federale dhe hyrjen e Ukrainës në NATO dhe Bashkimin Evropian, dhe ka të ngjarë të vazhdojë në rrugën e presidentit Andrzej Duda.

Qeveria shpresonte që fitorja e Trzaskowski do ti mundësonte asaj të zbatonte plotësisht agjendën e saj. Koalicioni i Tusk nuk ka një shumicë të mjaftueshme në parlament për të anashkaluar veton presidenciale.

Pothuajse një e treta e polakëve nuk besojnë se qeveria e Tusk do të zgjasë deri në fund të mandatit të saj në vitin 2027, sipas një sondazhi të opinionit publik të kryer për të përditshmen Rzeczpospolita.