Një marrëveshje për 24-vjeçarin

Mbrojtësi i Arsenalit, Gabriel, ka folur për yllin e Real Madrid-it, Rodrygo, dhe se si do ta nënshkruante menjëherë nëse do të varej prej tij.

Gabriel, i cili luan me Rodrygo për Brazilin, i ka kërkuar Arsenal-it ta rrëmbejë atë këtë verë dhe ka pranuar se nëse do të kishte të njëjtin rol si drejtori sportiv Andre Berta, do ta kishte mbyllur operacionin tashmë.

“Nuk e di, por padyshim që do të më pëlqente”, tha Gabriel për podcastin brazilian PodPah. “Ai është një fenomen. Ua kam thënë njerëzve tashmë se është një fenomen.

Nëse do të varej nga unë, sigurisht!”.

Prioriteti i Arsenalit këtë verë është të nënshkruajë një sulmues të ri, që do të thotë se blerja e Rodrygo, i cili do të konkurronte për Gabriel Martinellin dhe Bukayo Saka, nuk është e realizueshme.

Një marrëveshje për 24-vjeçarin do të ishte shumë e kushtueshme dhe skuadra e Londrës ka më shumë gjasa të përdorë fondet e saj për një numër 9 të fortë në muajt e ardhshëm, diçka që tifozët e Arsenal-it e kanë kërkuar gjatë disa sezoneve të fundit.