Valverde: Alonso, një trajner që kërkon shumë

Mesfushori i Realit të Madridit, Federiko Valverde, foli për ndjesinë e të bardhëve pas mbërritjes së Ksabi Alonsos dhe pritshmëritë e tyre përpara Kupës së Botës për Klube.“Ksabi është shumë i afrueshëm dhe intensiv. I ndihmon shumë një lojtari ta ketë atë në krye të ekipit. Ne vazhdojmë të rritemi dhe të mësojmë, dhe ai do të na ndihmojë si futbollist dhe personalisht.

Ne të gjithë do të shkojmë në të njëjtin drejtim për të fituar shumicën e titujve këtë vit”, deklaroi ai në deklaratat për mediat zyrtare të klubit.

“Po i afrohemi Kupës së Botës me shumë entuziazëm dhe emocion.

Është titulli ynë i parë dhe shpresoj ta fitojmë.

Po hyjmë me shumë besim dhe optimizëm për të bërë atë që kemi bërë këto ditë me trajnerin e ri, stafin e ri të trajnerëve dhe lojtarët e rinj. Do të ishte mirë ta mbyllnim ose ta fillonim vitin me një titull të madh me Realin e Madridit.

Madridi meriton të jetë gjithmonë në krye. Kupa e parë e Botës meriton të jetë këtu, me këtë stemë dhe me tifozët tanë”, theksoi uruguaiani.