Arsenali heq dorë nga Gyokeres, objektivi kryesor tani është top sulmuesi anglez

Frustrimi i Arsenalit me çështjen Viktor Gyokeres mund t’i shtyjë drejt një tjetër përpjekjeje për të transferuar sulmuesin e Aston Villas dhe të Anglisë, Ollie Watkins. 

Sipas gazetës portugeze Record, Arsenal ka vendosur të pezullojë përkohësisht interesimin për Gyokeres. 

Kjo vjen pas negociatave të pasuksesshme me Sporting Lisbonën, që kanë refuzuar të lëvizin nga çmimi prej 85 milionë eurosh, ndërkohë që Arsenal kishte ofruar vetëm 55 milionë. 

Raportime të fundit tregojnë se kërkesa e Sportingut për të paguar klauzolën e plotë të lirimit lidhet me një marrëdhënie të tensionuar me agjentin e Gyokeres, i cili mund të kërkojë një kompensim prej 10 për qind nëse klubi refuzon ndonjë ofertë mbi 60 milionë euro. 

Kjo situatë duket se e ka kthyer vëmendjen e Arsenalit te Watkins. Edhe pse nuk është përjashtuar plotësisht interesimi për Gyokeres, The Mirror raporton se një qasje e re ndaj Watkins nuk përjashtohet. 

Për të mbajtur të gjitha opsionet hapur, Arsenali po shqyrton një lëvizje për Watkins, ndërkohë që vazhdon të eksplorojë marrëveshje për Gyokeres dhe Benjamin Sesko të RB Leipzig. 

Arsenali dështoi të siguronte shërbimet e Watkins në janar, pasi nuk arriti të përmbushte vlerësimin prej 60 milionë eurosh të Aston Villas, një çmim që nuk pritet të ndryshojë as tani. 

Watkins, që ka shënuar 75 gola në pesë sezone të Ligës Premier, nuk ka rënë kurrë poshtë 11 golave që kur iu bashkua Aston Villas nga Brentford në verën e vitit 2020.