Gasperini: Roma nuk mund të fitojë titullin

Te Roma është dita e Gasperinit kur ai prezantohet si trajneri i ri. “Sigurisht që pata kontaktet e para të nevojshme me Ranierin dhe ai më përshkroi shumë mirë dhe në detaje se cili është realiteti i Romës, i ekipit dhe i këtij klubi dhe peripecitë që kanë ndodhur, disa pozitive dhe disa negative në këto vite.

“Më pas pata mundësinë të takoja pronarët dhe takova njerëz që kanë entuziazëm të madh për Romën, nuk e di nëse kjo bie në sy, por nga fjalët që pata me ta thashë se ata kalojnë shumë kohë në Romë dhe në mendimet e tyre padyshim kanë projekte ambicioze që kanë luftuar për t’i arritur deri në këtë pikë dhe se kanë identifikuar tek unë, përmes Claudios, mundësinë e krijimit të diçkaje konstruktive dhe të fortë”.

“Diskutuam gjithashtu se cilat janë disa nga idetë e tyre.

Mbi të gjitha ata duan ta rikthejnë Romën në krye dhe kjo më duket shumë e mjaftueshme për të pasur një përshtypje shumë të favorshme dhe pozitive”.

“Për sa i përket objektivave dhe arritjeve sezonale, Gasperini i mban këmbët në tokë. “Mendoj se rezultati më i mirë mund të jetë kualifikimi për në Champions League, Roma nuk mund të jetë ajo që është e aftë të fitojë titullin në këtë moment, por kurrë nuk i dihet”.