Guardiola konfirmon largimin e Grealish nga City

Jack Grealish është gjithnjë e më pranë largimit nga Manchester City. Mesfushori anglez, i përjashtuar nga lista e “qytetarëve” për Kupën e Botës për Klube, duket se është në prag të një kapitulli të ri në karrierën e tij.

Largimi i mundshëm është konfirmuar edhe nga trajneri Pep Guardiola, i cili në një deklaratë të fundit u shpreh: “Jack është një lojtar fantastik, meriton të luajë më shumë. Në dy sezonet e fundit nuk ka pasur shumë hapësira, por tani duhet të rikthehet në fushë me vazhdimësi.

Duhet të ndjejë emocionin e të luajturit çdo tre ditë, të rikthejë ‘fluturat në stomak’ dhe të tregojë sërish të gjitha cilësitë e tij.”

Fjalët e Guardiolës duken si një sinjal i qartë për një ndarje të afërt, me Grealish që kërkon më shumë hapësirë dhe protagonizëm, diçka që sipas trajnerit spanjoll, nuk mund ta ketë më te City.