Laporta njofton: Jemi gati të mbyllim një blerje të rëndësishme

Ende flitet shumë për situatën financiare dhe buxhetore të Barcelonës, e cila gjithmonë lidhet me thashetheme dhe negociata të panumërta për merkaton. Në veçanti, ka pasur shumë diskutime rreth mundësisë ose jo të shpenzimit të një shume të konsiderueshme për Nico Ëilliams të Bilbaos.

Në këtë drejtim, presidenti i katalanasve, Joan Laporta, bëri disa deklarata në lidhje me fuqinë investuese të klubit, duke nënvizuar gjithashtu se si disa negociata janë në rrugën e duhur.

“Mund të blejmë lojtarë normalisht, jemi në ekuilibër. Jemi gati të mbyllim një blerje të rëndësishme dhe po punojmë edhe për një lëvizje tjetër. Për momentin kemi një marrëdhënie të relaksuar me La Ligën, mendoj se së shpejti do të njoftojmë transferime të reja”.

Katalanasit janë tashmë një nga klubet më aktive, si në transferime ashtu edhe në largime. Ka shumë kohë për t’u përgatitur për sezonin e ardhshëm, pasi ekipi nuk mori pjesë në Kupën e Botës për Klube, duke hequr dorë nga të ardhurat për të fituar kohë.

Projekti për sezonin 2025-26 është shumë ambicioz, duke pasur parasysh se qëllimi është të shkëlqejë përsëri në Evropë, ndoshta edhe duke arritur ta ngrejë kupën me veshë të mëdhenj këtë herë.