Juventusi debuton me fitore të thellë në Kupën e Botës për Klube

Juventusi dha një sinjal të fuqishëm në ndeshjen e parë të Kupës së Botës për Klube, duke mposhtur Al Ainin me rezultatin bindës 5-0. Pavarësisht se skuadra arabe kishte pësuar vetëm një gol në shtatë ndeshjet e fundit, “Zonja e Vjetër” dominoi nga minuta e parë deri në fund, transmeton KosovaPress.

Randal Kolo Muani zhbllokoi rezultatin pas vetëm 11 minutash, ndërsa Francisco Conceição dhe Kenan Yıldız shënuan gola të bukur për të thelluar epërsinë. Në fund të pjesës së parë, Kolo Muani realizoi edhe golin e tij të dytë.

Në pjesën e dytë, Conceição shënoi sërish për të vulosur fitoren, ndërsa Juventusi kontrolloi totalisht lojën. Portieri i Al Ainit, Rui Patrício, shpëtoi skuadrën nga një disfatë edhe më e thellë, duke ndalur një rast të qartë të Kolo Muanit për hat-trick.

Fitorja ndaj një kundërshtari në formë si Al Ain është një ogur i mirë për Juventusin, që tani përgatitet për sfidën e radhës ndaj Wydad AC. Ndërkohë, Al Ain do të ketë përballje tepër të vështirë me Manchester Cityn.