Lleshi nis stërvitjen në kryeqytet

Kleandro Lleshi vetëm pak ditë më parë njoftoi largimin nga skuadra e Laçit. 25-vjeçari vetëm pas 1 sezoni si bardheblu, u largua nga kurbinasit.

Lezhjani nuk ka kohë për të humbur dhe pavarësisht se është pa një ekip, ka nisur stërvitjen në kryeqytet.

Lleshi dëshiron të jetë në formë të mirë për fillimin e sezonit dhe për këtë po vazhdon stërvitjen individuale në palestër nën urdhrat e Ronald Peqinit.

Për ish-in e Kukësit ka disa interesime, por pritet me kuriozitet për të mësuar se ku do të jetë destinacioni i tij i radhës. Kujtojmë se me Laçin në Superiore ia doli të luajë në 32 ndeshje dhe dhuroi edhe 1 asist.