Ukraina ende po kontrollon pak territor brenda Kurskut të Rusisë

Komandanti më i lartë ushtarak i Ukrainës thotë se forcat e saj ende po mbrojnë një zonë të vogël territori brenda Rusisë që e pushtoi pothuajse një vit më parë.

Në gusht të vitit 2024, Ukraina nisi një inkursion të papritur në rajonin e Kurskut, duke pushtuar më shumë se 1,000 kilometra katrorë tokë ruse.

Komandanti i përgjithshëm i Ukrainës, Oleksandr Syrsky, tha se 10,000 trupa ruse po përpiqen të zmbrapsin forcat e tij, raporton BBC.

Ndërsa Rusia ka këmbëngulur vazhdimisht se e ka rimarrë të gjithë rajonin, Syrsky tha të dielën se Ukraina ende mban rreth 90 kilometra katrorë në rajonin e Kurskut.