Liria prezanton trajnerin e ri

Klubi i futbollit Liria ka njoftuar emërimin e Klodian Duros si trajner të ri të skuadrës, transmeton kp.

“Një emër me peshë në futbollin shqiptar vjen në stolin tonë!

Klodian Duro – ish-mesfushori legjendar i Kombëtares Shqiptare, me një karrierë të pasur si lojtar në Shqipëri, Turqi, Gjermani, Qipro, Austri – tani sjell përvojën e tij si trajner në Prizren”, thuhet në njoftimin e skuadrës nga Prizreni.

Pas eksperiencave si trajner te Kukësi, Feronikeli dhe Gjilani, Duro vjen te FC Liria me vizionin për ta ngritur skuadrën në nivele më të larta.