Erdogan: Turqia do të vazhdojë përpjekjet për një zgjidhje të drejtë të konfliktit në Ukrainë

Presidenti turk, Recep Tayyip Erdogan, në një konferencë për shtyp para vizitës së tij në Holandë tha se Turqia do të vazhdojë të bëjë përpjekje për një zgjidhje të drejtë të konfliktit në Ukrainë .

“Ne monitorojmë nga afër aktivitetet e Bashkimit Evropian në fushën e mbrojtjes. Sektori turk i mbrojtjes është i aftë të japë një kontribut të rëndësishëm në zhvillimin e kësaj fushe në BE.

Përpjekjet tona për një zgjidhje të drejtë të konfliktit në Ukrainë vazhdojnë.

Pas një ndërprerjeje trevjeçare, ne organizuam një takim të palëve në Stamboll, arritëm në një vendim për shkëmbimin e të burgosurve dhe trupave dhe synojmë të vazhdojmë takimet e Stambollit”, vuri në dukje ai.