Edon Zhegrova gjithnjë e më shumë po tërheq vëmendjen
- Bota Sot
Edon Zhegrova gjithnjë e më shumë po tërheq vëmendjen e klubeve të mëdha italiane.
Interesimi për sulmuesin e Kombëtares së Kosovës, po rritet ndjeshëm në elitën e futbollit italian.
Sipas medieve italiane, pas interesimit të Napolit, tashmë edhe Atalanta i është bashkuar garës për shërbimet e anësorit nga Kosova, i cili në sezonin e fundit ka shkëlqyer në Ligue 1 me Lille.
Forma dhe kreativiteti i Zhegrovës në krahun e djathtë kanë bërë që klubet italiane të shohin tek ai një përforcim të nivelit të lartë për sezonin e ri.
Pritet që në ditët në vijim të ketë zhvillime konkrete, derisa gara për firmën e 25-vjeçarit po bëhet gjithnjë e më e fortë në Serie A.
