Lajm i mirë për Interin

Trajneri i Interit, Cristian Chivu, ka marrë një lajm shumë pozitiv përpara përballjes së rëndësishme të së hënës në mbrëmje kundër Fluminense, në kuadër të Kupës së Botës për Klube, pasi Marcus Thuram dhe Davide Frattesi janë rikthyer në stërvitje.

Sipas La Gazzetta dello Sport, të dy lojtarët kanë zhvilluar stërvitje individuale të premten, në momentin që skuadra e Interit mbërriti në Charlotte, Karolina e Veriut, për fazën e radhës të turit të turneut.

Ndërsa pjesa tjetër e skuadrës kishte një ditë pushimi, Thuram dhe Frattesi, sapo të rikuperuar nga dëmtimet, u testuan nga stafi mjekësor dhe më pas u lejuan të njihen me ambientet e qendrës stërvitore të Charlotte FC, ku Interi do të përgatitet për ndeshjen.

Në repartin ofensiv, Pio Esposito pritet të jetë titullar sërish në krah të Lautaro Martinez, me Chivun që preferon të mos rrezikojë Thuram nga minuta e parë.

Inter do të përballet me Fluminense të hënën, më 30 qershor, në orën 21:00. Të dy ekipet janë ende të pamposhtura në këtë edicion të Kupës së Botës për Klube.

Inter barazoi ndeshjen e parë 1-1 ndaj Monterrey, por më pas ka regjistruar dy fitore radhazi.

Fluminense, në anën tjetër, ka mundur Ulsan, ndërsa ka barazuar 0-0 me Mamelodi Sundoëns dhe Borussia Dortmund.

Rikthimi i dy lojtarëve të rëndësishëm si Thuram dhe Frattesi do t’i japë Chivut më shumë fleksibilitet në përzgjedhje dhe besim për një ndeshje që pritet të jetë vendimtare për rrugëtimin e Interit në turne.