Gjermania U-21 sonte kërkon titullin e Evropës, me Kosovën e Tovërlanit kishte luajtur baras

Dashamirët e futbollit sonte (21.00) me sy e veshë janë të drejtuar nga finalja e Kampionatit Evropian U-21.

Në finale do të përballen Gjermania U-21 – Anglia U-21.

Finalja luhet në stadiumin “Tehelne pole” në Bratisllavë të Sllovakisë.

Dy shqiptarë po paraqiten në petkun e Gjermanisë.

Është fjala për Nelson Vajper dhe Brajan Gruda.

Është interesant se ky formacion i Gjermanisë U-21 që sonte synon titullin e kampionit, kishte luajtur baras (0:0) me kombëtaren e Kosovës U-21 të selektorit Afrim Tovërlani.

Këtë barazim e morën me 22 mars të vitit 2024 në stadiumin Chemnitz të Gjermanisë.

Gjermania U-21 në grupin D e ka pas një ecuri fantastike, 8 fitore dhe 2 barazime.