Atletico Madrid

Mbrojtësi argjentinas Cristian Romero ka munguar në prezantimin zyrtar të fanellës së re të Tottenhamit për sezonin 2024–25, duke shtuar dyshimet për një largim të mundshëm drejt La Liga-s.

Sipas “Mundo Deportivo”, Atletico Madrid është seriozisht i interesuar për të transferuar 27-vjeçarin në kryeqytetin spanjoll këtë verë, ndërsa mungesa e tij në eventin e klubit londinez e ka forcuar më tej këtë spekulim.

Tottenham nuk ka ndërmend ta lërë të lirë zëvendëskapitenin e ekipit, duke kërkuar një shumë prej 60 milionë paund për kartonin e tij.

Trajneri i Atleticos, Diego Simeone, thuhet se po ushtron presion mbi drejtuesit e klubit për të realizuar marrëveshjen, pasi Romero ka shprehur më parë dëshirën për të luajtur në La Liga.

E ardhmja e mbrojtësit argjentinas pritet të vendoset në javët e ardhshme, ndërsa bisedimet mes dy klubeve mund të intensifikohen së shpejti.