Caktohet seanca për caktimin e masës së sigurisë ndaj gazetarit Syla

Të hënën më 30.06.2025 nga ora 10:00, do mbahet seanca për caktimin e masës së sigurisë në rastin e gazetarit dhe drejtorit të gazetës “Metro”, Valon Syla, i dyshuar për “dhunë në familje” dhe “lëndim i lehtë trupor”.

Këtë e ka konfirmuar për KALLXO.com, zëdhënësja e Gjykatës Themelore në Prishtinë, Mirlinda Gashi.

Syla është ndaluar për 48 orë, nën dyshimin për veprat “dhunë në familje” dhe “lëndim i lehtë trupor”.

Derisa, Prokuroria Themelore në Prishtinë ka kërkuar që gazetarit Valon Syla, t’i shqiptohet masa “e ndalimit të afrimit vendit dhe personit të caktuar”.