Kremlini reagon pasi shtetet e NATO-s rritën në 5% shpenzimet në mbrojtje

Vendimi i NATO-s për të rritur shpenzimet e mbrojtjes do të jetë katastrofik për aleancën dhe mund të çojë në rënien e saj përfundimtare, tha ministri i Jashtëm rus, Sergei Lavrov.

NATO “duhet të udhëhiqet nga logjika e shëndoshë”, tha Lavrov në komentet e publikuara nga agjencia shtetërore ruse e lajmeve TASS. Anëtarët e NATO-s ranë dakord javën e kaluar të rrisin shpenzimet e mbrojtjes në 5% të buxhetit të vendeve të tyre deri në vitin 2035.

I pyetur në lidhje me deklaratat e ministrit të jashtëm polak, i cili thuhet se tha se një garë armatimesh midis Rusisë dhe Perëndimit mund të shkaktojë rrëzimin e presidentit Vladimir Putin ndërkohë Lavrov tha se beson që NATO mund të shembet.

“Meqenëse është kaq profetik, ai ndoshta parashikon se një rritje katastrofike e buxhetit të vendeve të NATO-s, sipas vlerësimeve të mia, do të çojë gjithashtu në rënien e kësaj organizate”, tha Lavrov.