Milani i vendos ultimatum lojtarit shqiptar

Ardon Jashari, 22 vjeç, pret me ankth fundjavën, por jo për arsye të zakonshme. Mesfushori i talentuar zviceran pritet të bashkohet të shtunën me Club Brugge për fillimin e përgatitjeve të sezonit të ri dhe të luajë të dielën në një miqësore ndaj Glasgoë Rangers.

Megjithatë, praninë e tij në Belgjikë ai e sheh si një opsion të padëshiruar, sepse shpreson që deri atëherë të jetë zyrtarisht një lojtar i Milanit.

Sipas La Gazzetta dello Sport, negociatat mes kuqezinjve dhe klubit belg janë në zhvillim e sipër. Brugge vazhdon ta konsiderojë Jasharin si një pjesë kyçe për të ardhmen, por lojtari ka dhënë tashmë “po”-në e tij për Milanin, duke pranuar një kontratë pesëvjeçare me një pagë prej 2.8 milionë euro neto në sezon.

Vetë Jashari ka kërkuar që gjithçka të përshpejtohet, duke shpresuar që marrëveshja të mbyllet brenda 48 orëve të ardhshme. Nga ana e saj, Milani ka qenë i qartë: oferta mbetet mes 30 dhe 35 milionë euro, përfshirë bonuse – dhe nuk do të rritet më tej. Klubi është i gatshëm të negociojë vetëm në lidhje me strukturën e bonuseve.

Nëse Brugge pranon, marrëveshja do të mbyllet shpejt. Në të kundërt, drejtuesit e Milanit do të nisin të shqyrtojnë alternativa të tjera.