Ukrainasit vrasin njeriun e dytë të marinës ruse në Kursk

Zëvendëskreu i Marinës ruse është vrarë në rajonin Kursk të Rusisë, konfirmoi të enjten një zyrtar rus.

Gjeneralmajor Mikhail Gudkov, i cili gjithashtu drejtoi një brigadë që luftonte kundër Ukrainës, ishte vrarë së bashku me 10 ushtarakë të tjerë në një sulm ukrainas ndaj një qendre komanduese, raportuan më parë kanalet jozyrtare ushtarake Telegram.

Lajmi për vdekjen vjen pasi Ukraina thirri të dërguarin në detyrë të SHBA-së në Kiev, për të paralajmëruar administratën Trump se çdo “vonesë ose zvarritje” në furnizimin e kombit të goditur nga lufta me armë, do t’i sjellë dobi vetëm Rusisë.

SHBA-të kanë bllokuar një numër dërgesash të planifikuara për Ukrainën që përfshinin raketa mbrojtëse ajrore Patriot dhe artileri të drejtuar me precizitet, duke paralajmëruar se rezervat e saj të brendshme po mbaronin, por thanë se ende ishin në dispozicion opsione “të forta” për Kievin.

Ukraina është ankuar se kjo pauzë në ndihmën ushtarake, u ka lejuar forcave ruse të përparojnë më tej brenda territorit ukrainas.

Forcat ruse kanë depërtuar deri në 7 kilometra në rajonin verior të Sumy nga drejtime të ndryshme përgjatë kufirit dhe beteja më e madhe e luftës po zhvillohet në Donetsk, ndërsa Rusia i afrohet qëllimit të saj të deklaruar për të pushtuar të gjitha rajonet e Donetskut dhe Luhanskut.