Rashica poston fotografi nga stërvitja me Besiktasin

Pas raportimeve nga mediat turke se Milot Rashica është shumë pranë një transferimi drejt klubit gjerman Borussia Monchengladbach, vetë futbollisti kosovar ka reaguar në mënyrën e tij, përmes një postimi në rrjetin social Instagram.

Sipas mediave turke, ylli i Kosovës kishte dhënë sinjale të qarta për largim nga Besiktas.

Ata raportuan se Rashica kishte hequr emrin e klubit nga biografia e tij në rrjetin social Instagram dhe, sipas të njëjtave burime, ai nuk ishte parë në stërvitjen e sotme me ekipin turk, gjë që u interpretua si një lëvizje drejt largimit të tij të afërt.

Por pak orë më vonë, Rashica ka postuar një story nga stërvitja me Besiktas.