Stuhi dhe rrebeshe shiu/ Treni goditet nga rrufeja, vonesa në linjën Milano-Bologna

Italia është ndarë në vende që po “digjen” nga temperatura të larta, por edhe vende që po përballen me përmbytje stuhi dhe rrebeshe shiu.

Këtë mbrëmje rrufeja goditi një tren të linjës Milano-Bologna. Kjo ka shkaktuar bllokimin e linjës nga jugu në veri.

Më herët mediat italiane raportuan për një viktimë dhe dy të plagosur, pasi një pemë u rrëzua pas goditjes së stuhive.

Autoritetet kanë bërë thirrje që qytetarët të tregohen të kujdesshëm dhe të shmangin lëvizjet gjatë kohës me mot të keq.