Dy ekipe do të ofrojnë 60 milionë euro për transferimin e yllit të Real Madridit

Sulmuesi i Real Madrid, Endrick, po përballet me një të ardhme gjithnjë e më të pasigurt, pasi Gonzalo Garcia Torres po shihet si zgjedhja më logjike për repartin ofensiv të Xabi Alonsos për sezonin e ardhshëm. 

Ndërkohë, disa klube janë duke u përgatitur për të bindur brazilianin 18-vjeçar pse duhet të bashkohet me ta në huazim këtë verë. 

Endrick së fundmi ka udhëtuar drejt Shteteve të Bashkuara për të diskutuar të ardhmen e tij me klubin, dhe sipas Cadena SER, drejtuesit e Real Madrid besojnë se huazimi është alternativa më e mirë për të në sezonin 2025/2026. 

Deri tani, Endrick kishte pasur vetëm një objektiv, të qëndrojë në Madrid dhe të dëshmojë se Carlo Ancelotti kishte gabuar që nuk i dha më shumë minuta sezonin e kaluar. 

Numri i interesimeve për Endrick ka kaluar shifrën dyshifrore, por para Kupës së Botës për Klube, nuk kishte asnjë diskutim për largim dhe agjentët e tij as që ia kishin përcjellë ofertat klubit. 

Tashmë që situata ka ndryshuar, ekipe nga Italia, Franca, Gjermania dhe Spanja janë duke konsideruar seriozisht huazimin e tij. 

Të paktën dy klube kanë konfirmuar se do të bëjnë një ofertë zyrtare, njëra prej tyre është një skuadër spanjolle që do të luajë në Ligën e Kampionëve sezonin e ardhshëm. 

Në muajt e fundit, Bayer Leverkusen dhe Leipzig, dy klube që njihen për zhvillimin e talenteve të rinj, kanë shfaqur interes për brazilianin. 

Në Serie A, interesim kanë treguar edhe Juventus dhe Milan, që e shohin Endrick si një zgjidhje afatgjatë për sulmin.