“Një brenda, një jashtë”: Starmer dhe Macron diskutojnë marrëveshjen për të kthyer migrantë në Francë

Starmer dhe Emmanuel Macron po diskutojnë një marrëveshje që Mbretëria e Bashkuar të kthejë në Francë disa migrantë që kalojnë Kanalin me anije të vogla.

Për çdo migrant të kthyer mbrapsht, Franca do të dërgonte një azilkërkues në Mbretërinë e Bashkuar - ndoshta një me lidhje familjare me Britaninë, raporton BBC.

E ashtuquajtura marrëveshje "një brenda, një jashtë" nuk është konfirmuar - disa raporte sugjerojnë se marrëveshja do të fillonte me 50 migrantë në javë që do të dërgoheshin mbrapsht në Francë.

Kjo do të ishte një pjesë e vogël e numrit të zakonshëm të migrantëve që kalojnë Kanalin çdo javë.

Starmer dhe Macron po bashkëorganizojnë Samitin Franko-Britanik në Londër, më herët gjatë javës Macron u tha deputetëve të Mbretërisë së Bashkuar se të dy vendet kishin detyrë të trajtonin migracionin e paligjshëm "me humanizëm, solidaritet dhe vendosmëri".