Yamal nuk dëshiron që ta krahasojnë me Messin

Lamine Yamal ka minimizuar krahasimet me Lionel Messin, duke theksuar se dëshiron të krijojë rrugën e vet në futboll dhe të ndërtojë një trashëgimi të veçantë.

Adoleshenti sensacional i Barcelonës është shpesh krahasuar me legjendën argjentinase, për shkak të formimit të përbashkët në akademinë La Masia dhe stilit të ngjashëm të lojës në fushë.

“Gjithmonë jam përpjekur të ndjek rrugën time. Messi është lojtari më i madh në histori për mua, por unë dua të luaj futboll në mënyrën time, të shkruaj historinë time dhe të bëj njerëzit të kujtojnë emrin Lamine Yamal.”

Yamal ka lënë tashmë një ndikim të madh, pavarësisht moshës së re, duke fituar La Ligën, Kampionatin Evropian dhe çmimin prestigjioz Golden Boy.

Një Top i Artë në të ardhmen duket si një hap i natyrshëm në rrugëtimin e tij, ndërsa pritshmëritë janë që së shpejti të trashëgojë fanellën me numër 10 te Barcelona – simbolikisht të lidhur me Messin.

Gjithashtu, ai pritet të nënshkruajë një kontratë të re afatgjatë dhe fitimprurëse në ditëlindjen e tij të 18-të, që do ta konsolidojë si një nga figurat qendrore të projektit të ri të klubit katalanas.

Pavarësisht zhurmës mediatike, Yamal mbetet i përqendruar në objektivin e tij: të bëjë histori në mënyrën e vet.