Bardhi gati të nënshkruajë me një klub të ri në Turqi, kjo pritet të jetë paga e tij

Futbollisti Enis Bardhi është në rrugën e duhur për të zgjidhur të gjitha dilemat rreth të ardhmes së tij dhe për të nënshkruar kontratë me një klub të ri pas largimit nga Bodrumspor. 

Klubet nga Spanja dhe Italia ishin të interesuara për shërbimet e kapitenit të kombëtares së Maqedonisë së Veriut, por informacionet e fundit bëjnë të ditur se Bardhi do të qëndrojë në Turqi dhe pritet të veshë fanellën e Konyasporit.

Ky klub ka kohë që negocion me futbollistin shqiptar, ku raportohet se janë shumë afër marrëveshjes.

Mediat turke njoftojnë se Bardhi do të nënshkruajë kontratë dyvjeçare me Konyasporin, dhe paga e tij në klubin e ri do të jetë 500,000 euro në sezon.