Rrëfimi i Modriç: Ky president qau për mua

Luka Modriç luajti ndeshjen e tij të fundit për Realin e Madridit kundër PSG-së. Ai do të donte t’i thoshte lamtumirë me një fitore dhe një finale të Kupës së Botës për Klube, por zhgënjimi nuk i fshin të gjitha arritjet e tij.

Kroati i ka dërguar një mesazh falënderimi të fundit klubit, presidentit Florentino Pérez dhe të gjithë tifozëve në kanalet zyrtare të klubit. “Presidenti ka qenë shumë i rëndësishëm për mua, së pari sepse më solli këtu.

Që nga ai moment, ai gjithmonë më ka treguar një dashuri të veçantë, ai gjithmonë më ka trajtuar shumë mirë.

Tani mund ta them: ai më trajtoi ndryshe, ai kishte një dashuri shumë të veçantë për mua.

Dhe mendoj se ai e tregoi këtë në ndeshjen time të fundit, sepse nuk e kisha parë kurrë presidentin të qante”, komentoi kroati që do të bashkohet me Milanin.