Osimhen mungon në stërvitjen e Napolit, pret transferimin te Galatasaray

Victor Osimhen nuk është paraqitur në ditën e parë të stërvitjes parasezonale të Napolit, duke dorëzuar një certifikatë mjekësore për të justifikuar mungesën, ndërsa pret finalizimin e transferimit te Galatasaray.

Sipas raportimeve nga Italia, sulmuesi nigerian dhe Galatasaray kanë arritur marrëveshje për klauzolën e lirimit prej 75 milionë eurosh, por ende mbeten diskutime për strukturën e pagesës.

Napoli kërkon 55 milionë euro paraprakisht, ndërsa Galatasaray ka ofruar 40 milionë euro menjëherë dhe pjesën tjetër me këste.

Pavarësisht se ende zyrtarisht mbetet lojtar i Napolit, Osimhen duket se është një hap larg kalimit në Superligën turke. Negociatat mes klubeve pritet të vazhdojnë gjatë kësaj jave.