Pse Milani iu beson lojtarëve më të moshuar?

Modric te Milan, një tjetër kampion veteran në San Siro: Historia e sukseseve dhe dështimeve

Luka Modric është lojtari më i fundit që i bashkohet AC Milanit në një moshë të avancuar, duke ndjekur një traditë të gjatë të kampionëve që kanë kaluar në San Siro drejt fundit të karrierës së tyre. 39-vjeçari kroat, i cili do të mbushë 40 së shpejti, nënshkroi zyrtarisht me Rossonerët.

Mediat italiane e krahasojnë transferimin e Modric me atë të Cristiano Ronaldos te Juventusi, si një nga ardhjet më të bujshme të dekadës në Serie A. Por kujtimet e Milanit me lojtarë veteranë kanë qenë të përziera.

Dështime të bujshme përfshijnë emrat si Fernando Torres, me vetëm një gol në 10 ndeshje, Rivaldo, që nuk gjeti vend për shkak të Kaká dhe Rui Costës, dhe Ronaldo i cili u pengua nga dëmtimet e rënda. Edhe Ronaldinho pati shkëlqime të rralla, por nuk arriti të jetë konstant. Christian Vieri nuk u aktivizua sa duhet dhe nuk arriti të bindte as trajnerin e Italisë për Kupën e Botës 2006.

Përjashtime të suksesshme janë David Beckham, që u huazua nga LA Galaxy dhe impresionoi me profesionalizmin e tij, dhe mbi të gjitha Zlatan Ibrahimovic e Olivier Giroud, të cilët me peshën e përvojës udhëhoqën Milanin drejt titullit kampion dhe ruajtën rol kyç në repartin ofensiv, pavarësisht moshës së avancuar.

Për shumë tifozë, mbetet një dilemë: A do të jetë Modric më afër një tjetër suksesi në stilin e Ibrës, apo rrezikon të humbasë në pritshmëri si disa paraardhës të tij? Për momentin, siç shkroi edhe Dimitar Berbatov, "Mosha është vetëm një numër".